RANNUM Menntavísindasviði Háskóla Íslands

Fjarkennsla í framhaldsskólum – úttekt á vegum RANNUM

Út er komin skýrsla á vegum RANNUM í samstarfi við Símenntun, Rannsóknir Ráðgjöf (SRR) hjá Háskóla Íslands. Hún er unnin fyrir mennta- og menningarmálaráðuneytið og beinist einkum að fjarkennslu í VMA, FÁ og VÍ.

Sólveig Jakobsdóttir og Þuríður Jóhannsdóttir. (2010). Úttekt á fjarkennslu í framhaldsskólum. Reykjavík: RANNUM og SRR Háskóla Íslands. Sótt af http://bella.mrn.stjr.is/utgafur/fjarnam_uttekt_2010.pdf

Söfnun, úrvinnsla og miðlun rannsóknarniðurstaðna með notkun vefsins

Rannsóknarstofa í upplýsingatækni og miðlun (RANNUM) stóð fyrir málstofu þar sem Kristján Ketill Stefánsson stundakennari og doktorsnemi við Menntavísindasvið HÍ kynnti notkunarmöguleika Internetsins við söfnun, úrvinnslu og miðlun upplýsinga sem nýst geta skólum við sjálfsmat og þróunarstarf. Upptaka af erindinu er að finna hér.

Vefkerfið Skólapúlsinn www.skolapulsinn.is var kynnt og sett í samhengi við hugmyndafræði langtíma- og samtímamælinga í skólaþróun. Nokkurra vikna gamlar mælingar voru einnig kynntar úr skóla sem gefið hefur leyfi til slíkrar birtingar.

Skólapúlsinn hlaut Hagnýtingarverðlaun Háskóla Íslands í nóvember. Verkefnið hefur einnig fengið stuðning úr Tækniþróunarsjóði RANNÍS.

Staðsetning viðburðar:
Aðalbygging – Stakkahlíð/Háteigsvegur
Nánari staðsetning:
E205 fundarherbergi

Kennsla í upplýsingalæsi á háskólastigi

23. mars var málstofa á vegum RANNUM í stofu E205 í aðalbyggingu Menntavísindasviðs við Stakkahlíð.
Astrid Margrét Magnúsdóttir forstöðumaður upplýsingasviðs Háskólans á Akureyri fjallaði um hvernig kennslu og þjálfun í upplýsingalæsi er háttað við Háskólann á Akureyri. Mikil áhersla er lögð á kennslu og þjálfun nemenda háskólans í upplýsingalæsi og er sú kennsla í umsjón bókasafns háskólans. Einnig var starfsemi NordINFOLIT (http://www.nordinfolit.org/) kynnt en það er samstarfsvettvangur um upplýsingalæsi á Norðurlöndunum.
Glærur er að finna hér.

Aðalfundur RANNUM 12.mars kl. 16-17

Dagskrá:
1. Skýrsla ábyrgðarmanns um starfsárið 2009-10
2. Tilnefning stjórnar fyrir 2010-2011
3. Verkefni framundan – umræða
4. Önnur mál

Léttar veitingar

Staðsetning: Fundarherbergi 5.hæð Bolholti (einnig hægt að ganga inn Skipholtsmegin þá upp á 2.hæð og inn í Bolholt).

Aðalfundi RANNUM frestað

Aðalfundi RANNUM sem vera átti 25.2. hefur verið frestað vegna veðurs. Nýr fundartími auglýstur fljótlega.

Dagskrá:
1. Skýrsla ábyrgðarmanns um starfsárið 2009-10
2. Tilnefning stjórnar fyrir 2010-2011
3. Verkefni framundan – umræða
4. Önnur mál

Hádegisverðarfundir á vormisseri 2010

23. febrúar
Rafrænt einelti
Kristrún Birgisdóttir, fyrir hönd SAFT (Samfélags, fjölskyldu og tækni, http://www.saft.is/)

Rætt verður um helstu boðleiðir og tegundir rafræns eineltis. Fjallað er um þolendur, gerendur og afleiðingar rafræns eineltis. Kynntar verðar niðurstöður rannsóknar og skoðuð orðræða um rafrænt einelti.
Upptaka af málstofu

23. mars
Kennsla í upplýsingalæsi á háskólastigi
Astrid Margrét Magnúsdóttir forstöðumaður upplýsingasviðs Háskólans á Akureyri

Fjallað verður um hvernig kennslu og þjálfun í upplýsingalæsi er háttað við Háskólann á Akureyri. Mikil áhersla er lögð á kennslu og þjálfun nemenda háskólans í upplýsingalæsi og er sú kennsla í umsjón bókasafns háskólans. Einnig verður starfsemi NordINFOLIT (http://www.nordinfolit.org/) kynnt en það er samstarfsvettvangur um upplýsingalæsi á Norðurlöndunum.

13. apríl

Söfnun, úrvinnsla og miðlun rannsóknarniðurstaðna með notkun vefsins
Kristján Ketill Stefánsson stundakennari og doktorsnemi við Menntavísindasvið HÍ

Í þessari kynningu verða skoðaðir notkunarmöguleikar Internetsins við söfnun, úrvinnslu og miðlun upplýsinga sem nýst geta skólum við sjálfsmat og þróunarstarf. Vefkerfið Skólapúlsinn www.skolapulsinn.is verður kynnt og sett í samhengi við hugmyndafræði langtíma- og samtímamælinga í skólaþróun. Nokkurra vikna gamlar mælingar verða einnig kynntar úr skóla sem gefið hefur leyfi til slíkrar birtingar.

18. maí

Tölvustutt tungumálanám
(Málstofa í samvinnu við RANNMÁL (Rannsóknarstofa um nám og kennslu erlendra tungumála og annars máls)
Michael Dal, Samuel Lefever og Robert Berman

Hugsaðu áður en þú sendir – málþing SAFT á alþjóðlegum netöryggisdegi

Dagskrá í Skriðu Menntavísindasviði HÍ kl. 14.30-16.0

Sjá nánar á http://www.saft.is

Upplýsingalæsi og gildi þess í upplýsinga- og þekkingarþjóðfélaginu

Þórdís T. Þórarinsdóttir, forstöðumaður bókasafns Menntaskólans við Sund og doktorsnemi við Félagsvísindasvið HÍ, fjallaði um upplýsingalæsi og gildi þess í upplýsinga- og þekkingarþjóðfélaginu þann 8. desember á málstofu á vegum Rannsóknastofu um upplýsingatækni og miðlun kl. 12-13 í stofu E205, aðalbyggingu Menntavísindasviðs Stakkahlíð. Upptaka: http://upptokur.hi.is/player/?r=5f6501d2-b98a-41f9-9d5e-034beee19c61

Fjarnám og blandað nám í íslenskum framhaldsskólum: Þróun og framtíð?

Sólveig Jakobsdóttir, dósent í fjarkennslufræðum við Menntavísindasvið Háskóla Íslands flytur erindi um rannsóknir á þróun fjarnáms við íslenska framhaldsskóla og nýtingu námsumsjónarkerfa og ýmissa annarra netlausna.

Málstofan er á vegum Rannsóknarstofu í upplýsingatækni og miðlun.
Stofu E205, aðalbyggingu Menntavísindasviðs HÍ í Stakkahlíð

Skipuleggjendur fjarnáms og -kennslu standa frammi fyrir því að setja saman heppilegar námsblöndur fyrir nemendur og eru þá margir þættir sem þarf að athuga vel og velja á milli. Í þessu verkefni er skoðað hvernig blöndur af stað og net- (fjar-/eða dreif)námi hérlendir framhaldsskólar bjóða uppá, hvernig þær eru að þróast og hvernig þær henti ólíkum nemendahópum.

Niðurstöður úr viðtölum við skólastjórnendur og/eða stjórnendur fjarnáms við alla skólana 2005, 2006 og 2009 verða kynntar svo og niðurstöður viðtala við nemendur og kennara úr sex framhaldsskólum (3 af höfuðborgarsvæði;3 af landsbyggð) sem tekin voru 2007. Einnig verður fjallað um þróun fjar- og netnáms í skólum erlendis.

Eftir erindið verða umræður um áframhaldandi þróun og framtíð fjarnáms í íslenskum framhaldsskólum.

Stærðfræðileikar – verðlaunakeppni á vefnum: þróun og mat

Stærðfræðileikar – verðlaunakeppni á vefnum: þróun og mat
Málstofa þriðjudaginn 20.10.  kl. 12-13 E205 aðalbyggingu Menntavísindasviðs HÍ Stakkahlíð

Sveinn Ingimarsson, stærðfræðikennari í Hagaskóla og meistaranemi við HÍ mun halda erindi á málstofu á vegum RANNUM um þróunarverkefnið Stærðfræðileikar á netinu sem styrkt er af menntamálaráðuneytinu. Verkefnið er samstarfsverkefni Tungumálavers í Laugalækjarskóla, Sveins Ingimarssonar og Þorbjargar Þorsteinsdóttur kennara. Þýðingar og hljóðsetningar verkefna eru unnar af fjölmörgum aðilum og er veflausn stærðfræðileikanna hönnuð af Árna Björgvinssyni hjá Artor.is. Sveinn mun einnig kynna hugmyndir um fyrirhugað mat á verkefninu (meistaraverkefni sitt).

Page 7 of 9:« First« 4 5 6 7 8 9 »