Höfundarsætið

[höfundarsætið]. [tímasætið]. [titilsætið]. [útgáfusætið]. [vefsætið]. 

Skrá skal nafn höfundar í höfundarsætið. Ef ekki er um eiginlegan höfund að ræða skal skrá ritstjóra eða þann sem séð hefur um útgáfuna í höfundarsætið. Stundum gengst stofnun eða fyrirtæki í ábyrgð fyrir höfund og í öðrum tilvikum er nafn höfundar óþekkt.

Höfundarsætið ræður stafrófsröð í heimildaskrá og til þess er vísað þegar vísað er til heimildar í lesmáli.


Íslenskir höfundar


Grundvallarreglan er sú að skráð er fullt nafn íslenskra höfunda í heimildaskrá. Sjá nánar um nöfn höfunda.


Erlendir höfundar

Almennt skal skrá eftirnafn erlendra höfunda fyrst og upphafsstaf fornafns á eftir.

Ef nöfn erlendra höfunda koma fram í öðru sæti en höfundarsæti þá er fyrsti stafur fornafns á undan eftirnafni af því þetta hefur ekki áhrif á röð heimilda í heimildaskrá (þ.e. raðað er í heimildaskrá eftir eftirnafni).

Á bak við eina heimild geta staðið einn eða fleiri höfundar en ákveðnar reglur gilda um skráningu nafna höfunda eftir fjölda þeirra. Sjá betur hér


Nöfn höfunda
Fjöldi höfunda
Aðgreining verka
Höfundur óþekktur


Síðast uppfært 25. september 2013