tóta víóla goes HÍ

jæja þá er þessum áfanga lokið.
verð að viðurkenna þetta er ekki besti kúrs sem ég hef tekið.
ekki heldur sá næstbesti.

kannski hef ég bara ekki þroska í svona ÁNETINU áfanga.  En ég hef nú verið að skoða blogg hinna og ég held að flestir séu sammmála mér í því að þetta var svolítið laust í reipunum hvað varðar upplýsingar.  tildæmis þessar skilyrtu færslur… 100 orð?  1000 orð?  nota heimildir? nota EKKI heimildir og hvað manni fannst sjálfum?
þetta var allt svo óskýrt.
sömu sögu er hægt að segja um mörg af stærri verkefnunum.  kannski á maður að vera nógu sjóaður til að gera sér grein fyrir því að 10% verkefni í lið sem er 20% þarf að vera í feitari kantinum…  en þegar ekkert er tekið fram, útlínurnar óljósar og þær vefsíður sem tengjast námskeiðinu eru beinlínis ekki fullunnar verður maður óneitanlega hálf pirraður. og fúll.
ég sleppti nokkrum verkefnum bara vegna þess að ég vissi nokkrn vegin ekki hvað átti að gera og fann ekki útúr því sjálf á netinu. ég hef ekki getað komist á fjarloturnar eða smiðjutímana, en þar sem þetta er nú NET áfangi hélt ég að það myndi ekki koma að mikilli sök…. skipti litlu máli með hina áfangana sem ég tók í fjarnámi.
Mér finnst líka ótrúlegt að ætlast til þess að maður lesi spurningar samnemenda sinna á blakki til að þurfa að komast að vægi verkefna. að spurningar  eins og “er þetta nógu mikið hjá mér?” sé svarað “nei þú þarft að gera meira”.
áttu þá allir nemendur að senda fyrirspurnir á blakki um verkefnin sín?  alltaf?

veit það ekki.
veit bara það að ég ætla að láta þetta duga í þetta skipti.
geri bara eins og í útlöndum, lem hrísgrjónin og hendi þeim svo uppí loft í vindinum… sumt kemur til baka og er nothæft, annað ekki.
svo er ég bara fúl af því mig langaði í fanta lemon en það var ekki til útí búð.
je.

ég prófaði að gera síðu í google sites http://sites.google.com/site/violuvefurtotu en fannst hann ömurlegur.  viðmótið var einhvernvegin svo skrítið.  og ljótt.  Mér fannst þetta aldrei verða eins og ég vildi svo ég gafst upp og fór yfir í joomla þar sem ég er að gera lokaverkefnið mitt.
Google sites er samt örugglega sniðugt  eins og fyrir nemendur, þetta er tiltölulega einfalt allt saman, myndir af öllu og bara hægt að haka við og allt það.  mjög myndrænt.
en eins og með allar síður þá þarf maður náttúrulega að vera með skýra hugmynd um það hvernig síðan á að líta út og hvað maður vill að sé á henni, google býður nú örugglega uppá allt sem ég var að leita að, nennti bara ekki að leita af því.

jæja þetta miðast eitthvað áfram.  er búin að setja inn heilmikið efni, líffræði hægri handar (sem nýtist svo í að vera líffræði vinstri handar líka, þær eru svona inni við beinið ekki svo ólíkar), æfingar fyrir vinstri hendi og eitthvað um olnbogann.
svo er kominn fréttavefur og blogg, sér síða fyrir auglýsingar og önnur fyrir skilaboð.
hægt er að skrifa sínar eigin greinar (sem geta verið blogg, skilaboð, auglýsingar eða hvað eina) og skoða stundatöflur.  Setja komment og fullt af tenglum (sem eru btw flokkaðir niður í 4 flokka) og ég veit ekki hvað og hvað.
mér finnst joomla bara ansi sniðugt.  það er í rauninni hægt að gera allt, maður þarf bara að vita hvar og hvernig.  aðalmálið erí raun hönnunin sjálf.  hvað vill maður að sé á forsíðunni til dæmis?  vill maður að bæði notendur og fólk útí bæ komist í sömu upplýsingarnar?
en þetta gengur.  er ekki viss hvað ég set mikið inn meira… held þetta gæti verið eilífðarverkefni.  vona það allavega, hoho. 

ég ætla að bera saman blackboard og uglu.  og kannski moodle svona í framhjáhlaupi.  málið er að þegar ég var við nám í Englandi var nýbúið að setja upp moodle sem skólavef fyrir skólann minn.  ENGINN kunni á hann (og þá meina ég enginn) en samt var gert ráð fyrir því að VIÐ sem nemendur kunnum á hann og þurftum oft að skila einhverju, sem svo var ekki hægt vegna þess að einhver setti eitthvað vitlaust og þetta var algjört klúður mestan tímann.  allir fengu netfang og var sagt að fylgjast með því stanslaust, þangað kom ekkert nema ruslpóstur og viðbjóðslega leiðinlegar auglýsingar frá aðalskólanum (ég var s.s. í tónlistardeildinni sem var alfeg sér) fyrir utan að það tók einhver 4-5 klikk að komast inn í pósthólfið, sem er allt of langt. allt of!
þannig að ég er með ofnæmi fyrir moodle.  bara að hugsa um að fara að “kynna” mér það veldur þyngslum í augabrúnunum.
þannig ég er að spá í aðláta það vera.
en blackboard finnst mér stórkostlegt.  Það er mjööög einfalt og vel upp sett, þeas, maður sér á aðalvalmyndinni svo að segja allt sem maður þarf (óþolandi að þurfa að leita að faginu sem maður er í), það er hægt að senda póst á kennara ogsamnemendur, þó maður muni varla hvað þeir heita, því það er hægt að flétta því upp, hægt að skella inn umræðum/spurningum þar sem við á og hægt að svara öðrum.  mér finnst líka frábært að það þurfi admin til að stofna umræðuþráð, hugsið ykkur ef allir mættu bara skella inn umræðuþráð?  úff.
blakkurinn er líka ekkert of persónulegur, maður er ekki að setja mikið meira ein stutt info og mynd af sér.  mér finnst það frábært, einhversstaðar verður að draga mörkin frá þessum persónulegu bloggum/samfélögum og svo skólavefa.

Ugla er kannski meira fyrir skólann almennt, nokkurskonar regnhlíf yfir alla þá áfanga sem eru til boða í skólanum.  og hver áfangi er með sína blakk-síðu.
mér finnst ugla ágæt, reyndra nota éghana bara til að fara inná skólapóstinn minn og geri það aaaallt of sjaldan.  finnst svolítið mikið um rusl þar.  en svo koma nauðsynlegar upplýsingar inná milli.  ég tildæmis missti af skráningu í sumarnámskeið.  en ég var nú svossem ekkert of æst heldur í að komast í það.
mér finnst hinsvegar smáauglýsingarnar á Uglu alfeg magnaðar og frábært framtak.  þar mætti reyndar vera með fleiri undirflokka svo það sé hægt að hafa “Til leigu” á einu stað og “vantar að leigja” annarsstaðar.  en ef mig grunar rétt á það eftir að koma áður en við vitum af.
þetta á allavega eftir að nýtast vel í haust þegar manni fer að vanta bækur… þessi síða var ekki komin af stað núna í janúar… allavega fann ég hana ekki þá.  en mér finnst gott að ugla sé alfeg aðskilin blakki, það væri allt of mikið af upplýsingum á sama stað ef þetta væri sami vefurinn.

ég hef nú reyndar bent fólki áður á þessa frábæru síðu, en ætla að gera það aftur núna SKILVIRKT.  hvað svo sem það þýðir.

handavinnusíðan www.ravelry.com

Síðan er fyrir áhuga -og atvinnufólk í prjónaskap eða í hekli.  Áður en hægt er að byrja, þarf að sækja um aðgang.  ég veit ekki alfeg afhverju þeir hafa þetta svona, örugglega til að forða því að rusl og auglýsingar komist á síðuna, en égheld að allir sem ekki séu vélmenni fái auðveldlega aðgang.  en þegar aðgangurinn er kominn í hús(email) er byrjað á því að stofna sér aðgang (account). notendanafn, lykilorð og svo þetta venjulega; setja inn mynd (ef vill), gefa upp staðsetningu (land, bær) og skrifa smá texta um mann sjálfan.

þín/mín síða

Síðan manns er í raun byggð upp af 12 þáttum

ef ýtt er á “projects” birtast verkefnin manns.  til að búa til verkefni, þarf að ýta á “add new project” og þar skrifar maður upplýsingar um verkefnið.  hvaða garn er notað, hvaða prjóna, hver á að fá afurðina og hvaða uppskrift maður notar.  þarna er líka hægt að setja inn myndir, sem er voðalega skemmtilegt, ein myndin er nokkurskonar kennimynd og birtist sem “forsíða” verkefnisins.  ef verkefnin eru í vinnslu eru þau merkt með “wip” neðst í hægra horninu á kennimynd verkefnisins.   á aðalvalmyndinni sjást líka þau verkefni sem maður er búin með.
í “stash” eða staflanum setur maður inn upplýsingar um garn sem til eru hjá manni og eftir er að prjóna/hekla úr.  þetta er oft gott að nota ef maður sér fallega uppskrift og man ekki í bítið hvort til sé rétt garn. þar eru sömu aðferðir og í projects, maður býr til sér svæði fyrir hvert og eitt garn og getur sett inn myndir með.
Biðröðin eða “queue” eru þau verkefni sem manni langar til aðbyrja á, þarna eru beinir tenglar inn á uppskriftir úr uppskrifta-gagnabanka ravelry.
“Favorities”, eru uppáhaldsuppskriftir eða verkefni annarra sem maður heldur uppá. hægt er að búa til merkimiða eða “tags” á verkefni í þessum lið til að hjálpa manni við að finna auðveldlegar það sem leitað er að.
Vinirnir, “friends” eru eins uppbyggðir og á flestum samfélagslegum síðum á netinu, maður þarf að óska eftir vináttu til að fá hana.  einnig er hægt að ganga í félög “groups” sem virkar á svipaðan hátt.  maður sjálfur getur svo að vitaskuld búið til sín eigin félög, boðið fólk að ganga í það og fleira í þeim dúr.
“Events” á kannski ekki ennþá við okkur íslendinga, þó félagar í Ravelry séu þónokkrir hérlendis, en þarna eru auglýstir viðburðir tengdir prjóna/hekl skap.
“Needles & Hooks” eru eins uppbyggð og staflinn með garninu, maður skráir þá prjóna/nálir sem maður á til.
Bóksafnið eða “library” er líka hugsað eins og staflinn og nálageymslan, nema með prjónabækur en þessi liður virðist vera í einhverri vinnslu hjá vefurum Ravelry og hafa í talsverðan tíma lofað einhverju bitastæðu þarna.  enn sem komið er, er þó hægt að setja inn pdf-uppskriftum úr gagnagrunninum og blöðum sem þar eru.
Póstkassinn, “message box” er nokkurskonar samskiptahólf þar sem maður getur sent póst á meðlimi og að sama skapi fengið skilaboð frá þeim.  þetta hefur verið algjörlega laust við auglýsingar og draslpóst og fá ravelry vefarann mikið hrós fyrir það.
“Blog Posts” er tengill fyrir þá sem eru með virkt blogg annarsstaðar og vilja tenga blogg færslur inn á ravelry-síðuna sína.  ravelry virðist ekki ennþá bjóða uppá bloggþjónustu, en það er svossem af nóg að taka hjá þeim.
“contributions” eru uppskriftir hannaðar af þér sem þú vilt deila með hinum félögunum á ravelry.  hvort sem það sé fyrir gjald eða ekki.
í “purcases” eða innkaup, sérðu lista yfir þær vörur sem þú hefur keypt gegnum ravelry, af öðrum notendum.

Þetta er BARA sá liður sem kemur að manni sjálfum, eftir er aðtelja upp gagnagrunninn, félagaskrána, garnverslun, umræðulista og búðina.  ravelry er alfeg stórkostlegur vefur fyrir handavinnufólk og ég mæli eindregið með öllum sem hafa áhuga að kíkja þarna við.  endalaust af ókeypis uppskriftum (núna í dag voru 12237 ókeypis uppskriftir í boði), svo maður tali nú ekki um þær hugmyndir sem maður sér og fær af að sulla þarna í gegn.  einnig er þarna auðvelt að spyrja um aðstoð og hjálp, allir eru boðnir og búnir að hjálpa manni.

Ning.com og Facebook.com eiga það samaeiginlegt að vera netsamfélög sem eru að næstum öllu leyti rekin áfram og starfrækt af notendum.  Upprunalegu hönnuðir og stofnendur síðanna sjá um hið tæknilega, uppfæra forrit o.fl. í þeim dúr.  Þátttakendur skrá sig sjálfa, síðan þeirra er sett upp sjálfkrafa og þeir sjálfir sjá um útlit sem þeir vilja, aukahluti og tengla.
ning fókuserar á hópa og samfélög.  Ef maðurer einn og sér, þekkir engann og veit ekkert, er maður lítið númer á ning.  þú getur búið til þína eigin hópa og boðið fólki, en þá verðuru að hafa eitthvað sameiginlegt… finna einhvern flöt á því að annar en þú sjálfur vilji vera með. sem er nú auðvitað oft auðvelt, en stundum ekki.
í facebook er þetta byggt á einstaklingnum sjálfum.  síðan þín “ert” þú.  myndir af þér, hlutir sem þér finnst skemmtilegir og þú skrifar inn örskilaboð (sem eru eins og twitter) um þig.  svolítið egósentrískt, en það er nú oft til góða.  fólk sækir um að gerast vinir þínir af því það þekkir þig (eða segist þekkja þig) eða hefur áhuga á að vita meira um þig.  það er svo í þínum höndum að samþykkja það eða ekki.  facebook býður reyndar líka uppá svipaða hópamyndun og ning en slíkt er í raun aukaatriði.  aðalatriðið er einstaklingurinn.

mig grunar að ning hafi komið á undan, allavega eru fullt af hugmyndum frá ning hluti af uppbyggingunni á facebook, þó þetta séu ólíkar síður.  en svo virðist ning aðeins vera að breytast líka (allavega frá því ég skráði mig í janúar þá er búið að bætast við heilmikið sem maður kannaðist við hjá facebook, t.d. að hafa “live chat” neðst í hægra honrinu).  en svona er víst netið.  þú átt ekkert – en um leið áttu allt.

ég hef reyndar verið svolítið léleg við að mæta í smiðjutíma og allt það, finnst allt of mikið af póstum á blakki sem ég nenni ekki að lesa svo ég veit eiginlega ekkert hvað felst í þessum lið:

(5 %) Tilraun eða athugun eða rannsókn á notkun opins stafræns efnis eða opins hugbúnaðar í skólastarfi (t.d. paint, tuxpaint, inkscape, open office, scratch, sketch, scribus) EÐA tilraun, athugun eða rannsókn á notkun á efni með nemendum t.d. scratch eða sketch eða sýndarheimi.

hann er undir fyrirsögninni “nýting í skólastarfi” svo ég geri ráð fyrir að maður eigi að prófa þessi forrit sem bent er á með nemendum sínum.
svo er annað…. hvað er sketch?  er verið að meina isketch sem er eins og pictionary á netinu?

allavega þá gerði ég ráð fyrir því og þar sem ég hef ekki beinan aðgang að nemendum prófaði ég forritið ásamt systur minni sem er 11 ára.  við búum á sitthvorum staðnum svo þetta var ákaflega skemmtilegt.  fyrst fórum við í íslenska liðinn og höfðum gaman af, þarna ber þó á því að sá sem er sneggri að vélrita er með yfirhöndina.
svo fórum við í english -easy og spiluðum þar í smástund.  sum orðin eru þó nokkuð mikið flókin fyrir 11 ára svo við fórum í english -animals og það var skárra.
ég held þetta gæti verið prýðilegt kennsluefni fyrir krakka í ensku, því maður fær ekki orðið rétt nema það sé stafsett uppá 100%.  svo er oft gagnlegt að sjá hvað hinir skrifa og stundum koma fram samheiti hlutsins sem um er að ræða.
þetta er reyndar forrit sem foreldrar verða að fylgjast með þegar yngri börn eru við, eins og með alla tölvunotkun.  í einu spilinu byrjaði herra “echo” á því að teikna brúna klessu í eitt hornið, svo skeið og að lokum mann með opinn munn.  Mér fannst það reyndar ógeðslega fyndið (og orðið var “porridge” sem þýðir grautur) en fyrir lítil börn gæti þetta kannski verið á mörkunum.

www.isketch.net

kláraði walton wiki síðuna mína….
finnst hún nú bara nokkuð góð hjá mér.  langar til dæmis ofsalega mikið til að gera verkefnin sjálf kannski maður hafi tíma í sumar.
svo er ég eiginlega búin að velja mér lokaverkefni. jebb á síðustu stundu.
en hér er walli:

http://wiki.khi.is/index.php/William_Walton

2019 verður nú meira árið.
Ég tel að tæknin eigi eftir að hafa meiri áhrif eftir 10 ár en núna.  allir skólar verðir útbúnir tölvum og bekkjarkennsla fari að nokkru leyti fram á netinu.  hver bekkur, hver umsjónarkennari og hver nemandi verður skráður og virkur þátttakandi í netsamfélagi.  ég held að tölvukennsla verði meiri og áhersla lögð á netsiðferði og hvernig varast ber varasama hegðun á netinu.  reglur og markmið skólanna verði hnitmiðari og jafnvel verði tölvunotkun upp að vissum aldri bönnuð, ég sé tildæmis engan tilgang í því aðkenna börnum upp að ca. 10 ára aldri á internetið, þau hafa ekki þroska í að greina á milli athafna og afleiðinga.  skv. kenningu piaget skilja börn á þessum aldri ekki reglur eða hefðir samfélagsins til fulls og fylgja því aðeins reglum þegar og ef þau vita hverjar afleiðingarnar eru af athöfnunum.  en eins og við vitum er netið mjög margslungið og ekki alltaf sömu afleiðingar af öllum athöfnum.
en ég er nokkuð viss um að fjarnám eigi eftir að aukast töluvert, sérstaklega í endurmenntun og nám á háskólastigi.  framboð og gæði eiga eftir að aukast til muna en að sama skapi held ég að kröfur skólanna til nemanda verði meiri.  verkefni sem vinna þurfi gegnum net verði erfiðari og ítarlegri.
Ég er samt nokkuð viss um að staðkennsla eigi aldrei eftir að fara úr skólunum og jafnvel að nám kennt í staðarnámi verði að einhverju leyti meira metins heldur en fjarnám.
það væri heldur verri þróun að nám yrði álitið það auðvelt að hægt væri að taka það með vinnu, eins og er að gerast með öllu þessu fjarnámi.  þá er samfélagið farið að gera undanfara og afleiðingu á sama tíma…. gæti maður tildæmis verið læknir á meðan maður væri að læra það?  við skulum vona ekki.
en auðvitað eru fögin mörg og mismunandi svo þetta er kannski hægt stundum, mér væri tildæmis alfeg sama þótt að slátrarinn myndi líta í námsbók áður en hann skæri handa mér nautalund.
úff það er endalaust hægt að velta þessu fram og til baka, best að hætta hér.

Hvaða áhrif telur þú að tæknin hafi á nám og endurmenntun – horft einn áratug fram